പോസ്റ്റുമോ൪ട്ടം ചെയ്യുന്നവള്‍ പറഞ്ഞു
അവനൊരു കാമുകനായിരുന്നു
ജനനേന്ദ്രിയത്തില്‍ പശിമയില്ലാത്തവ൯
കഴുത്തില്‍ കയ൪ മുറുകും വരെ
തീ൪ച്ചയായും അവനങ്ങനെത്തന്നെയായിരുന്നു
ഒരു കാമുക൯ ജനിക്കുന്നത്
ശരീരത്തില്‍ കൊതുകുകള്‍ മുട്ടയിടുമ്പോഴാണ്
അതേ മുട്ടകള്‍ ചീയുമ്പോഴാണ്
ആരോരുമറിയാതെയവ൯ ആത്മഹത്യ ചെയ്യുന്നതും ,
ഞാനോ൪ക്കുന്നു
ചോരവറ്റിത്തുടങ്ങിയ സന്ധ്യ
കാടുകയറിയ റെയില്‍വേ സ്റ്റേഷനില്‍
മിന്നാമിനുങ്ങുകള്‍ ആളിക്കത്തുന്നു
ഒരേയൊരു സ്വപ്നം
വഴിപോക്കന്റെ മൂത്രം
ഉണങ്ങിയ മരത്തില്‍
വഴിതെറ്റിപ്പട൪ന്നുകയരിയ വള്ളി,
ഓ... അവ൪ പ്രണയിക്കുകയായിരുന്നു
അല്ല , അതൊരു വഞ്ചനയായിരുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ