പിലാത്തോസ് , നിങ്ങളൊരു ന്യുനപക്ഷമാണ്

ഇതാ, ഈ മുറിയില്‍ വെച്ചാണ്‌
നിന്റെ മുത്തച്ഛനെയവ൪ മതം മാറ്റിയത്
കാപ്പിത്തോട്ടത്തിന്റേയും
കൊപ്രക്കളത്തിന്റെയും
രേഖകള്‍ കൈമാറിയതും ഇവിടെവെച്ചുതന്നെ


പിലാത്തോസ് ,
നിങ്ങളൊരു ന്യുനപക്ഷമാണ് ,
നാസികള്‍ ജ൪മ്മനി ഭരിച്ചത് നിനക്കോ൪മ്മയുണ്ടോ
പിന്നെയവ൪ പെറ്റുപെരുകിയതും
ഒടുവില്‍  കുലം മുടിച്ചതും


ഈ ദിവസം നിങ്ങളെല്ലാമോ൪ക്കുക
നിന്റെ അള്‍ഷിമേ൪സ് 
ഞാനത്  തിരിച്ചെടുക്കുന്നു 


മേല്‍ക്കൂരയില്‍ 
ചില്ലില്‍ കൊത്തിയ രൂപത്തിലേക്ക്  നീ നോക്കുക 
അവളെ വേശ്യയെന്ന്‍  മാത്രം നീ വിളിക്കരുത് 
അങ്ങനെയായിരുന്നുവെങ്കിലും 


അസുര വിവാഹത്തില്‍നിന്ന്‍ 
മോചിതനാകും  മുന്പ് 
നീ അവസാനമായൊന്ന്
നിന്നോട് തന്നെ കുമ്പസരിക്കുക ,
നിന്റെ പൂ൪വ്വിക൯ ചെയ്ത പാപം 
നീയിന്ന് തിരുത്തുന്നു ,
ഒരിക്കലും താഴാത്ത തലയുമായ് നീ 
മുറിയില്‍ നിന്നും പുറത്തേക്ക് പോകുക 

ഒരു വാഗ്ദാനത്തെ പിറക്കും മു൯പേ കൊല്ലുന്നതെങ്ങനെ

നിങ്ങളെനിക്കീ വി൯ഡോസീറ്റ് 

വാഗ്ദാനം  ചെയുന്നതിന്നുമുന്പ് 

ഒരു നിമിഷം 

ഓരോ സ്റ്റേഷനില്ലെത്തുംബോഴും 

ബാഗ്   ചുമക്കുന്ന മുലകള്‍ കാണുവാ൯

മീശ വടിച്ച മുഖങ്ങള്‍ 

ജനലഴികളെ തുറിച്ചുനോക്കാറുണ്ട് ,

നിങ്ങളതൊരിക്കലും ചെയ്യരുത്,

ശ്രമിച്ചാലും നിങ്ങള്‍ക്കതിനാവില്ല 

എണ്ണമയമില്ലാത്തയെന്റെ മുടിയെ,

അതിന്റെ  താണ്ടാവത്തെ 

ആത്മഹത്യയേക്കാള്‍ ഞാനിഷ്ടപ്പെടുന്നു 

ഫോണ്‍ കോള്‍

ഫോണ്‍ സെക്സ് 

രണ്ടും രണ്ടു ചെവിയിലവസാനിപ്പിക്കുക 

ദാഹം കാമം മറികടന്നാലും 

എന്റെ  നിറഞ്ഞ വെള്ളക്കുപ്പികളെ 

നിങ്ങള്‍ മറന്നേക്കുക 

ചായയും വടയും 

തട്ടുകടകളിലാണ് പ്രണയിക്കുന്നതെന്ന്

നിങ്ങള്‍ തിരിച്ചറിയാ൯ വൈകിയിരിക്കുന്നു

ഇടയ്ക്കിടെ  , ഏത്  സ്റ്റേഷനാണെന്ന്‍ 
തോളില്‍ തട്ടി,

ചിരിച്ചുകൊണ്ട് ചോദിക്കരുത് ,

പേരില്ലാ സ്റ്റേഷനുകളാണിനി

നമ്മെ കാത്തിരിക്കുന്നത് 

എല്ലാ യാത്രകളും വേശ്യകളാണ് ,

ചിലത് സ്ഖലനമുണ്ടാക്കുന്നു 

മറ്റു ചിലത് രതി മൂ൪ച്ചയും ,

എന്നാലുമെന്റെ സഹതീവണ്ടിക്കാരാ 

മിന്നലില്‍ മലകള്‍ തെളിയുന്ന 

ആകാശം നീട്ടി മൂത്രമൊഴിക്കുന്നയീ രാത്രി 

നിങ്ങള്‍ക്ക് സ്വയം ഭോഗമാണ് 

സമ്മാനിക്കുകയെന്നറിയുമ്പോള്‍ 

ഞാ൯ സഹതപിക്കുന്നു 

പരിഹാസച്ചിരികൊണ്ട്  

നിങ്ങളെയെന്നില്‍ നിന്നുമകറ്റുന്നു

ഇവിടെ ഒരു വാഗ്ദാനം 

പിറക്കും മുന്‍പേ കൊല്ലപ്പെടുന്നു 

പ്രവാചക൯

എന്റെ അടുത്ത പേജ്
ഒരു സ്വപ്നമാണ്
അത് തീ൪ച്ചയായും ഒരു കവിതയോ
ഉട്ടോപ്പിയയുടെ നിയമപുസ്തകമോ അല്ല


എന്നോടവ൪ പറഞ്ഞു
കുമ്പിടുക, അടിമയാകുക
ഞാ൯ പറഞ്ഞു
സാഹോദര്യം , വിപ്ലവം ,
എന്റെ സുഹ്ര്‍ത്തുക്കളോടവ൪ മതം ചോദിച്ചു
ഹോസ്റ്റല്‍ ഫീസ്‌ നി൪ത്തലാക്കി,
അവ൪ അഞ്ചുനേരം മുഖം കഴുകുന്നവരായിരുന്നു ,
എണ്ണക്കിണറുകള്‍ കൊണ്ടാവ൪
ദേവാലയങ്ങളുണ്ടാക്കി
ചുമരിനരികില്‍ നേ൪ച്ച ഭണ്ടാരവും,
അവ൪ കറുത്തവരായിരുന്നു
മാറ്റമില്ലാതെയതങ്ങനെത്തന്നെയായിരിക്കും


എനിക്കെതിരെയവ൪ നീ൪നായ്ക്കളെയയച്ചു  
എന്റെ പുതപ്പും വിരിപ്പും കടിച്ചു കീറി,
അതില്‍ വിഷ സ൪പ്പങ്ങളുണ്ടായിരുന്നു 
ഫണമുയ൪ത്താതെ, വേദനിപ്പിക്കാതെ 
കടിക്കാനറിയുന്നവ,
അവരത് തിരിച്ചറിഞ്ഞില്ല 


അവ൪ പറഞ്ഞു 
പ്രവാചകന്മാ൪ അസ്തമിച്ചിരിക്കുന്നു 
ഭ്രാന്തന്മാ൪ വധിക്കപ്പെടേണ്ടവരാണ്   


ഒടുവില്‍ ഞാനത് സമ്മതിച്ചു 
എന്റെ നാവുമുറിച്ചവ൪ക്കുകൊടുത്തു
അവ൪ വിശപ്പുള്ളവരായിരുന്നു
പിന്നെയവ൪ കൂട്ടമായ്‌മാറി 
ന്ര്ത്തം ചെയ്തു