ബോധോദയവും ചില നാട്ടു വര്‍ത്തമാനങ്ങളും

1)
പുഴുങ്ങിയെടുത്ത മരങ്ങള്‍
പുഴയിലേക്ക് തിരിച്ചു പറക്കുന്ന കടല്‍

തീരത്ത് തുരുമ്പേറ്റ്  കിടക്കുന്ന ചരക്കുകപ്പലുകള്‍
ആകാശം നോക്കി അയവിറക്കുന്ന തലയില്ലാത്ത തെങ്ങുകള്‍
സ്വാതന്ത്ര്യം കൊതിക്കുന്ന പാവാട നാട
അത് അത് തന്നെയാകുന്നുവെന്നു പറയുന്ന ഒഷപ്പന്‍ 
ചറപറ പെറ്റ് വീഴുന്ന പൂച്ചക്കുഞ്ഞുങ്ങളെ വെറുക്കുന്ന പ്രണയിനി
ചേട്ടനെപ്പോലെ മൂത്രമൊഴിക്കാന്‍ പഠിക്കുന്ന ബാലവാടിക്കാരി - മീനു വര്‍ഗീസ്‌
നഷ്ടപ്പെട്ട രാജ്യത്തിലേക്ക് തിരിച്ചു വരുന്ന രാജകുമാരന്‍

 2)
കോഴി വളര്‍ത്തു കേന്ത്രത്തില്‍ , പുഴുക്കള്‍
കട്ടി മീശക്കാരായ കാമുകന്മാരാകുന്നു

3)
ബോധോദയം ഒരു ശാപമാകുന്നത്
എക്സാം റിസള്‍ട്ട്‌ വരുന്ന പ്രഭാതത്തില് സംഭവിക്കുമ്പോഴാണ്

ഉപേക്ഷിച്ചതെല്ലാം ബുദ്ധനില്‍ക്കൂടി തിരിച്ചു വരുമ്പോള്‍ ,

ഓ ..... താഴ്‌വരയുടെ രാജകുമാരന്മാരേ

ഒലീവിലകള്‍കൊണ്ട് കിരീടമുണ്ടാക്കുന്നവരേ  ......

നിങ്ങളുടെ പടക്കപ്പലുകളെ കുതിരപ്പന്തിയില്‍ കെട്ടിയിട്ട് 

മഞ്ഞുമലയുടെ ഉച്ചിയില്‍ നിങ്ങള്‍ നട്ട കൊട്ടാരങ്ങള്‍ക്ക് തീയിട്ട് 

മുതുമുത്തച്ചന്മാര്‍ വളര്‍ത്താന്‍ കൊണ്ടുപോയ സര്‍പ്പകന്യകമാരുമായ് 

എന്റെ കാല്‍ക്കീഴില്‍ വരിക 

വിരക്തിയുടെ പ്രേതങ്ങളേ...

എന്റെ ശുക്ലം തൊട്ട് വന്ദിക്കുക ,

ഞാന്‍ നിങ്ങള്‍ക്ക് കൊള്ള ശാസ്ത്രവും 

താമര മരത്തിന്റെ ദുര്‍ഗന്ധവും  അറിയിച്ചു തരാം 

ഗോലി കളിക്കുന്ന കുട്ടികളെ നിങ്ങള്‍ കൊള്ളയടികുക 

സമുദ്രങ്ങള്‍  നക്കി വറ്റിക്കുക 

മരുഭൂമിയില്‍ നൃത്തം ചെയയുക 

പൂര്‍ണ്ണതക്കുവേണ്ടി  കൊതിക്കരുത്‌ 

സര്‍വതും  പാതി വഴിയിലുപേക്ഷിക്കുക ,

പ്രവാചകന്മാരെ ചീത്ത വിളിക്കുക 

അവരുടെ കുഴിമാടങ്ങള്‍ തോണ്ടുക 

എല്ലാറ്റിനുമൊടുവില്‍ ,

ഉപേക്ഷിച്ചതെല്ലാം ബുദ്ധനില്‍ക്കൂടി തിരിച്ചു വരുമ്പോള്‍ ,

ചിതയോരുക്കുക 

കുളങ്ങളെ പ്രണയിക്കുക ,

ഉന്നതര്‍ - കണ്ണടക്കുക , സ്വപ്നം കാണുക